غرفة نومك خليها مكان غير عن كل الاماكن اتركي لها وقع خاص في نفسك تدخلين غرفة النوم مو عشان تنامين بس اجعليها سكن وراحه ورومانسيه اعرف متزوجات من دخلت غرف نومهم انصدمت انواع الاهمال الملابس بزاويه العاب ع السرير والتسريحه مكسره
تذكري فغرفة نومك مراه عاكسه لك ماتطلب منك شي الا الاهتمام والنظافه وحسن العشره فيها خلي زوجك يحس بقيمة غرفة النوم
والله كثير من الازواج يشتكون من غرفة النوم والجفاف الحاصل فيها
عودي زوجك ع هالاشياء بغرفة النوم قولي له يالغالي غرفة النوم مو بس لنوم
غرفة النوم لمشاعرنا واحاسيسنا نبي نحس بحنان بعض في هالغرفه نبي نودع همومنا ومشاكلنا مجرد دخولنا هالغرفه
خليك رومانسيه قد ماتقدري بداخل الغرفه اللمسات والضمات والبوسات والكلمات الحلوه تجعله في قمة السعاده والاسترخاء مثل ...
وهو مستلقي ع السرير امسحي ع شعره باطراف اصابعك
غرفة نومك اجعليها فواحه من روائح العطورات والبخورات فقبل النوم عطريها او بخريها
والمفرش لاتنسين تغيرينه من فتره لفتره وخصصي معطرات او دهن عود للمفارش
طبعا انا بقولكم طريقة...
تعرفون المخدات افتحها واحشاها بخور او فواحات ثم اخيطها البخور احاول افتته اهم شي مايكون كور راح يزعجه او اخذ لبسة المخده واغسلها وهي مبلله ارشها بعطر مركز او دهن عود والبسها المخده وهي مبلله لان المويه يخلي الرائحه تمسك اكثر وجففها بالغرفه عن طريق المروحه او المكيف
المفرش دائم انقعه بطشت كبير فيه مويه وقطرات من العطر ومركز العود وبعدين اجففه واحطه ع السرير
رتبي غرفة نومك ونظفيها وتسريحتك اجعليها مرتبه وانيقه
زيني تسريحتك بشي رومنسي مثل ورده او احجار رومانسيه و رتبي درج زوجك وحطي فيه فواحات وكذلك درجك وزيني الغرفة بالي تقدرين عليه لاتجعلينها خاليه من انوثتك ورمانسيتك
البسي ملابس نوم مغريه تخلي زوجك متيم فيك و قد ماتقدري تدلعي عليه بالغرفه هذي فرصتك لاتقولين اطفالي ..؟؟ وأنا صرت كبيره ع الحركات ذي
تغزلي بزوجك واطلبي منه وراح يستانس لو طلبتي منه
كوني جريئه مع زوجك فالزوج يحب الجريئه الي تمارس معه انواع الجرأه هذا زوجك حلالك
شوفوا اغلب الازواج ليش يطالعون الافلام الخالعه والصور لان يشوفون اشياء محرومين منهم عند ازواجهم يتمنون لو زوجته تسوي مثل كذا
الحياه الزوجيه مو كلها رسميات وواجبات لازم فيها دلع ورومانسيه واضافات حلوه وارسلي لزوجك مسجات جريئه من تعبيرك وسولفي معه سوالف جريئه
غرفة نومك هي مملكتك فاذا حابه تكونين الملكه الي تعيشها فاعملي له كل ماهو جميل فالملكه لاتقبل الا بكل ماهو جميل فالزوجه الذكيه تعرف وش تعني غرفة النوم ومتى تدخلها وتعرف الي لها وعليها بهالغرفه فتزين غرفة نومها بحلاوة تعاملها تجعل الغرفه ممطوره بحنانها ولمساتها
تجعل زوجها يدخلها اشبه بملك يدخل قصره فهو يرى في هذي الغرفه كل مايسره
تجعل من هالغرفه ماهو للاسترخاء والخلود والاريحيه بالوان الغرفه والمفارش والنظافه والروائح والترتيب تجعلين غرفتك جنه للعيش فيها
الزوجه المهمله والكسول لاتعير غرفتها اهتمام وتجعل من غرفتها مكان لحل مشاكلها ومناقشة قضاياها وصراخها فيهالاتجعل يسودها الاستقرار فشكلها كئيب لايساعد ع الراحه مماينفر بعض الازواج لنوم بغرف اخرى بالمنزل او يعاتبها زوجها ع اهمالها لتلك الغرفه
غرفة النوم لها كيان طابع خاص احرصي عليها واجعلي منها مسكن ورحمه
من فضلك شارك هذا الموضوع اذا اعجبك
ليست هناك تعليقات:
إرسال تعليق